Sebis-Rezäpt-Ideene

Ha dänkt i starte mou e neui Rubrik,

Was Koch ich heute ?
Bevor auerdings z ganze Startet apelieri a eui Kochusrüschtig !!
Wichtig Isch aus auererschts es guets MäSSER !
Für bi dir deheime längt es ganz normaus VIKTORINOX Gmüesmässer
Und was ou WICHTIG isch choufdr es GROSSES BRäT, wome ASTäNDIG druffe cha Schaffe !

No ke Idee wases Z'nacht git ?
Immer die cheibe Spaghetti immer die Pizzas ....
Drbi isches doch soo eifach schnäu öppis speziells ufe Tisch z zoubere !
und me muess nidemou Koch si zum öppis guets z mache !

Zersch mou e cooli Adrässe wo sogar ig mängisch nach neue Ideene gange go sueche .
http://www.chefkoch.de
dört fingsch 1000000 Rezäpt, Ideene und Ungerhautig über z Koche !

Probier doch z.B. einisch öppis Saisonaus ...

Momentan isch Kürbis Aktuell, was nid = muess heisse KüRBISSUPPE !
Kürbis isch es Wundergmüess und lotsech Ideau ou mit fisch oder Pasta lo kombiniere !

Ou Saison isch natürlech, WILD !
Rotchrut Marroni Spätzli Steipilz Hirsch Reh etc..

Ide Läde fingsch momentan viu Aktione .
Muesch haut das ganze chlei TUNE !

-Säubergmachts Rotchrut mit grafflete öpfle u Quitegelee verfinere abbinge mit risottoreis.
-Wild-jus (fingsch fix fertig ide grosse Supermärkt) mit Preiselbeerekonfiture verfinere
-Marroni glasiert im Zucker u mit Rahm verfinere

Oder werum nid einesch e säubergmachte Zwätschgechuech lanciere ?
Kuecheteig chasch i geignetere Chuechebläch-grössi ichoufe.
Teig uslege mitere Gable dr Bode stäche gmauni Hasunüss u chlei Zucker drüberstreue, z ganze ca 6 min bi 180C° Bache, usenä di haubierte Zwätsche kreisförmig druff verteile dr Gus (5 Eier, ca.5dl Rahm , 100gr Zucker u chlei zimt) über d Zwätschge läre u z ganze wider i Ofe tue bis dr Chueche gold brun wird (ca.15min) .

Simpu eifach u immer GUET !

Probiere jedi Wuche es paar neui Ideene uf Mi BLOGG z tue, de chunnt chlei Schwung i di verstoubte Chuchine...

SEE YA AYGHT