Teutsch Brothers im Tessin

So bi ume retour vo mim ,,Churztrip,, iz Tessin. Dr Mä2 u ig si am Sunntig obe gstartet u si chlei d Region Lugano/Melide go unsicher mache ! Richtig, Melide isch dört wo z Swiss Miniature isch. und ungerangerem büglet dört ouno ds Daniela im Hotel DELLAGO E Sensationelli Adrässe wenn mou dört bisch de gang umbedingt mou verbi ! E cooli Lounge und Sensationelli Zimmer und säubstverständlech ou e gueti Reatauration....!!! Am mäntig simer uf Morcote chlei go Spaziere u hei doch tatsächlech mim Göttiching sis Restaurant gfunge !!! Am Dienstag Heimer e special Swiss-Army Tour ufem Lago-Magiore gmacht. Da jo dr Fäbu grad si WK dört het verbrocht heimer z ganze ine witere Spektakuläre Teutschbrothers-Usflug umgwandlet. Nach däm mir z letste mou jo ir Eigernordwang mitemne Bärgfüehrer e haube wisse hei trunke oder im 5* Hotel Jungfrou Viktoria übernachtet si, Body Flying usw.. gmacht hei ischs widermou ar zit gsi öppis neus z ungernä ! Simer auso z Locarno zuechegstige u hei mou das Schiff i üsi TEUTSCHBROTHERS-Gwaut brocht ! Dr mä2 az Stür u Ig a Radar ! Dr Fäbu heimer vor az Deck ad Bord-Kanone gschickt ! :-) Mittwoch/Donnerstag hani no elei es paar usflüg gmacht ! Ungerangerem bini via Milano, -------------> (6 Spuurige SUPPER STOU woni 2h bi blibe phange !) uf MONZA go d Formu 1 Rennstrecki aluege. Was sech gar nid so aus eifach het lo Organisiere ! Nach däm i es paar mou um z Gländ bi gschliche hani imene 3 Mete höche StachudrotMäSCHENDRäTZääUN es chlises Loch gfunge woni mi ha chönne dürezwänge. Zum Glück isch scho chlei Nacht u Näbu gsi, so dasi mi unbemerkt bis ad Rennstrecki ha chönne fürekämpfe ! U tatsächlech isch grad d Formu2 am teste gsi, wwwwwwwuuuuuuuuuuuuuuuuuaaaaaammmmmmmmmmmm, hets gmacht inere uHUUere (!) lutsterchi si si a mir verbi ,,Gfloge,, ! Sensationellllll !









Und zwüschedüre immer chlei feyni Italiänischi Expressos u feyne Merlot gniesse... !