Usflug mitem ,,haube Rousseau Team iz Tessin

Am Mittwuch morge simer mit em Volvo vom Pere (merci nomou) vo Biu uf Lugano gfahre !
Bi agnähme 29C° heimer uf dr Piazza Tiptop Zmittag ghaberet...

När simer chlei d Stadt go linse bismer üs de richtig Ponte-Tresa verschobe hei um üses Nachtlager inere Feriewohnig ufzschlo (z 6. (!)

Am obe simer du e obligati Pizza widerum z Lugano go ässe !
Nach unzälige Gleser Wasser im Usgang heimer du beschlosse besser es Taxi z nä für ,,Hei,, !

Womer du wider Dehei si gsi heimer no gmüetlech dr Obe lo usklinge und üs uf lustigi Ideene lo bringe, Spili vor Jugend neu endteckt und usegfunge das ines paar vo üs, Talänt si versteckt.
Wöimer do mou nid witer it detais go.. ;-)

Am 2. Tag heimer üs richtig Locarno verschobe womer no dr Oli (Bügukolleg vo mine Merkur Biu zite) hei atroffe.

Dr Nik het dört mou aus Usstuschkoch gwürkt (2Wuche).
U promt wo mir si ine cho het si ne wider erkennt und mir si beherrbergt worde wie Könige !!
Absolut es schöns gfüu weme aus Gastronom ines Restaurant cha go u me fingt NüT wome cha bemängle !
Ja im gägeteil es isch gsi wie e rhuigi warmi Oase !
E ABSOLUTE GHEIMTIPP !
Umbedingt go ineluege !!

Die 2. Nacht heimer ir COOLE Feriewohnig vode Euter vom Oli z Brisago verbrocht,

(Ussicht vo mim Terasseschlofplatz)


sehr SENSATIONELL gsi thanks nomou !


Am Fritig morge heimer LEIDER müesse abfahre wüu es paar vo üs wider i Stoue hei müesse go Bügle !
Uf dr Rückfahrt simer no z Luzärn go zmörgele bis du üse Usflug ganz isch z änd gange.
Supper sach gsi

! ! !