Ziviuschutz

Protection Civile


Es isch widereinisch sowit gsi ! Ig ha müesse Irücke ! Vor langer langer Ziit imene chline Dörfli Irgendnöime im tiefste Bärner Jura hani mou Ushebig gha. Und dört hetmer sone möchtegärndöktu gseit. ,,So Herr Teutsch für euch wirds kei Platz im Militär ha,, Da dir eui Schultere 5x Usghänkt + Operiert heit wot z Schwizer Militär kei RISIKO igo,, Somit UT !
Ig wüunech jetz mou verzeue wie Schlimms um mini Schultere steit.
Oder resp. was ig sit dr Ushebig aus mit mire Schultere ha DüREGMACHT !
Ig ha Bodyfling gmacht, mehreri Täg go Skifahre, Schlegereie gha, ir Eigernordwang go Aperöle, uf HEFTIGE Achtibahne gsi, Hallechlätere (13m) USW.......
Aber füre Monsieur Militär isches es z grosses Risiko dr Herr Teutsch zmingscht d RS lo z mache !!!!

Ne nei de lieber Zivilschutz !
So, und jetz chöme mir langsam zum Punkt werum Ig mi hie so Ufrege !

Mir Datiere vergangnige Mäntig 11.06.2007
es isch 07.30h Dr Sebi Rückt im Zivilschutz i !
Nachem Kleiderfasse und 2h warte chunnt mou Irgensone Vorgsetztä wo seit
,,morge mitenang, legemer los ...,,
Nachdämi ha usegfunge dasmer die nöchste 5 Täg z 4. si ir Chuchi hanimer scho vorgsteut das
do äuä e rächti Brigade z Verpflegä git ....
jo und so het aus si Verlof gno....
Hüt simer 12 Lüt zum ässe (inkl. üs 4 ir Chuchi NOTABENE)
Jo Bravo u was hets gäh was ?
E Teigware-Gratin mit Salat !
Nachdäm dä EEEXtreem stressig Tag am früeche Nomittag sis änd het gno hanimi z 1. so richtig gfrogt öb ig hie eigentlech im fautsche Fium bi ??!!

Mir Datiere dr 12.06.2007
07.00h (!)
,,morge mitenang.........(uuuuaah),,
Hüt simer es paar me zum ässe drum fömir chlei Früecher a .....
Nachdäm i ha usegfunge dases Hüt 30pers si hani dänkt uuuuu das wird hüt Heiku 4 Köch für 30 Lüt ...!
Z Menü isch de grad Spaghetti Bolognaise mit Salat gsi !
Sensationell.
Nachdämi 5 Schäli mit gribnigem Parmesan ha abgfüllt isch mis Arbeitspensum füre Vormittag bereits erreicht gsi.
Und i hami anes paar Zitige dörfe erfreue.
Nach gschlagnige 3h Zitigläse hani aber Müedi Ouge brcho u has du losi....

Mir Datiere dr 13.06.2007
06.30h (!!!)
Du eraansches villicht scho Hüt gits no Früehstück zum vorbereite...........
ääääh i ma nüm Schribe chaschdr öppe dänke wies witergeit....



Nume mou so zum verglich, imene Hotel isches fasch überau eso das 1 (!) Person ELEI für z Mitarbeiter ässe verantwortlech isch so ou woni im Hotel Palace z Luzärn ha büglet.
Dört si zu Spitzezite über 220 Lüt zum Verpflege gsi !
U dört hets de nid nume Spaghetti gä......!!!!
aber äbe ....






Zum Glück bini nid elei im Zivilschutz gsi süsch wäri äuä grad ganz DüREDRäIT !