News aus dem J.J-Rousseau
******************************************

Scho lang nüm im Rousseau cho ässe ?

Tja es git do NEWS !

Ds Karin (d Amore vom Sebi wo mit mir zäme im Rousseau schaffet) het do sone NUKLEARMOLEKULAR Chochkurs bsuecht (!) und isch mit Interessante Ideene zrügcho.

Scho mou e Peterlischum mit sojalecithin gmacht oder gässe ?

Scho mou vor MolekularChuchi ghört ?

Wie wärs z.b. mou mitemne Heilbutt Tartar uf Randesprosse und Petersilieschum im Shot Glas wone RandeIngweerSesamRand het so mou zum Amuse Bouche !

Oder wie wärs mitemne Thunfischteriaky ufemne Ananaschutney mit Kaviar ?

Und när gits do morn ufem Valentinstagmenü es Seeteufel - Ceviche zur Vorspis !!

Man(n) nehme Seeteufelfilets schnidet si huch dünn uf (am beste mitemne sashimimässer) und leit när z ganze währen mind. 12h i, 1/1 Olivenoel und Limettensaft i . Zur marinade gisch no folgendi Zuetate; Roti Zibele, Koreander, Ingweer und Zitronegras.

Wenn dr Fisch nach ca. 12h usenimsch ischer düre limettesaft wie garet ! Sprich nüm roh ! Es GEDICHT zum ässe !

Aus Houptgang villicht es Simmentaler Rindsfilet ?

Oder es St.Pierre Filet mitemne Scampispiess Hummersauce husgmachti Zitronenudle und Keferagout ?

Und ufem Aktuelle Obemenü trifsch aus Dessert e OVOMALTINE Muffin a. Z ganze chunnt mitere wiisse Schoggisauce mit Ruhm dr här ! Und aus Deko gits wenn wotsch no e Zuckerwatte dr zue ;-)

I Hoffe i has Gschafft di chlei gluschtig z mache ? Und wennde z nöchschte mou überleisch wode äch chönntisch go ässe de gimer schnäu e Funk und i zouber chlei für di ! ;-)

E haube wiiissse uf dr Rousseau Terasse .................. TIPTOP...