Sebi und Karin ir Oschtschweiz....

Karin u i hei beidi 4 Täg frei gha und was machteme weme Frei het ?

Riiichtig meh verschwindet.. !

Und zwar i di schöni Oschtschweiz.

1. Etappe simer vo BNC zu mire Lieblingsstadt ir Schweiz, uf Luzärn.

Im Pacifico heimer Tiptop MECHIGO-Food gässe u när simer no churz iz Nachtläbe itaucht...

2. Etappe het üs vo Lutown nach Züri iz Neu renovierte Dolder Hotel (*****) brocht.

Sage und schreibe 400 (!!!) Mio SFR.- heisi i das neue vorzeige Hotel gsteckt.

Und me hetims du ou agse ! aues nume vom fyynschte !

Üsi 2 Teeli hei schnäu 22.- kostet...

Nach däm mir usem stuune wider si usecho simer witer richtig ARBON i üses mit nume (****) usgstattete Hotel Metropol zoge.

Am obe simer id Stadt St.Gallen go z Kloster aluege (SEHR IDRÜCKLECH) bevor mir när iz Restaurant Netts si guet go znachtässe.

3. Etappe u somit Houptteil vo üsem Ostusflug.

Dr Start isch inere Schouchäserei mits im wunderschöne Appenzäuer Land gfaue.

D Fabrik vo Kägifret hei die Affe üs nid wöue zeige.
Z Dorf Appenzäu säuber isch sehr pflegt u Idrücklech !

Dr Usflug zu üsne Nachbare Fürschtetum Liechtestei hättemer üs chönne spare, ämu d Stadt Vaduz het abgse vones paar Banke nid viu z biete ! Oder de simer eifach nid a richtig ort häre cho... ?

Schomou vom Säntispark ghört ? genau dört simer när go ENTSPANNE.. ;-)

4. Etappe u somit di letsti het üs aus erschts nach Stei am ri brocht. Sehr es schmucks Dörfli wo sicher e Usflug wärt isch .

U was machtme weme i dere Region isch was ? Richtig me geit natürlech dr Rifau go aaluegen !

Nachdämmer das wasserspektaku hei agluegt simer no ufe Munot z Schaffhuse !

Stadt säuber isch isch übrigens ou e Gheimtipp ! Umbedingt mou go aluge we no nid gsi bisch !!!

So das wars mit üsem churztripp adios amigos...