Zivilschutz 2008 zum 2.

Liebe Leser liebe Leserinnen,

es ist wiedereinmal Zeit für

Wenn Ihr meinen Blogg aufmerksam verfolgt wisst Ihr ja bereits das ich eigentlech gar nie uf Hochdütsch schribe und ig jedesmou nach gleischtetem Dienst e Bricht schribe.

Das mou möchti gärn mou es Thema aschnide wo euch söt nöcherbringe mit was für Tricks ig usere BASISCHUCHI z MAXIMUM usehole.

Es bispiu drfür isch d Rösti. !

Päcklirösti usem Prodega für 50 Persone im Bratkipper !

UUUUUUUUUäääärgh,
das gieng jo aues no weme wenigstens Butter hät !

Aber NNeei dr Herr Kommandant chouft immer nume längwiligi Margerine i.

Wie zum Tüfu söui e Rösti ohni Butter mache ?

Das isch öppe so wines Äbbertürtli ohni Niidle, oder der Sebi ohni Hoorspray ide Hoor !

I hami du bim Früehstücksbuffet bediennt u es paar Floralp Butterportione gstole (fürne guete Zwäck)

När hani no d Gwürzchischte plünderet um dä grruuusig Fertigröstigschmack usezbrcho !

2. bispiu si d Fertigsaucene

Am erschte Tag hets Pouletcurry gä.

I hami gweigeret die Fixfertigsauce vo Knorr z nä !

Ha die ganzi alag nach wisswy abgsuecht u bi fündig worde.

Es het sogar Kurkuma (das wo z Curry gäub macht) gha.

z ganze mit Haubrahm verfineret u mit maizena (!) abbunge .... naja.

3. bispiu Hero Büchse ärbsli u Rüebli

I GIBE UF I GIBE UF I GIBE UF !

Öppis schlächts chame NID GUET MACHE ! Merketnech das ! Mit öppis schlächtem chame nid guet Choche !

Um das chönne z verdoue muessme am morge 10.00h ids apero....

Zit heimer jo so wie immer meh aus gnue gha ! Weme z 3. am morge am 06.00 (!!!!) afot um für 35-50 Nasene z'mittag zchoche, u aues isch scho fix fertig im prodega kouft ! Sogar Zibele für d Zibelesauce si scho emenciert (i fini schibe gschnitte). Ds Poulet isch scho gschnitte kouft und dr Härtöpfustock (ou ohni Butter) isch natürlech ou usem Päckli !

Jede wo chlei, nume ganz chlei Bruefsstouz het dräit irgendeinisch i dere Bunkerchuchi düre !